02.01.2012 20:00
Þann 19.des 2011 færði valhópurinn Safnað í sarpinn eldri-borgurum og þeim er búa einir jólapakka til að gleðja. Loðnuvinnslan hefur styrkt hópinn í 5 ár og þökkum við kærlega fyrir þann styrk. Alltaf gaman að gleðja aðra.
Hluti af hópnum.
Gjöf til þín frá okkur.
Eftir daginn er svo boðið upp á kakó og jólakökur.
13.12.2011 10:28
Jólakvöl G.F var haldið þann 8. desember. Nemendur spiluðu bingó og félagsvist, yngstu nemendurnir horfðu á mynd og svo gæddu sér allir á góðu bakkelsi og kakó. Myndir í albúmi.
Félagsvist að hefjast.13.12.2011 10:24
Sarpurinn fór í útilegu þann 1. desember sem þykir ansi skrítinn tími til útilegu en við gistum í íþróttahúsinu og var mikið fjör í gangi. Við borðuðum pizzur saman, fengum leynigest og sögumann. Sumir sváfu nokkuð vel en aðriri sváfu ekki neitt. En það sem skipti máli er að það var gaman. Myndir í albúmi.
Fjörugur hópur.Skrifað af Jóhönnu og Elsu
08.11.2011 13:32
Var að ljúka við að setja inn í
skrár hreyfimyndir gerðar í forritinu Pivot. Hreyfimyndirnar gerðu nemendur í 7. og 8. bekk. Njótið vel.
Skrifað af Jóhönnu Hauksd.
01.11.2011 13:15
Undirbúningur fyrir legókynningu og jólakvöld
Pizzusnúðar
7 dl hveiti.
1 msk. þurrger.
½ tsk salt.
3 og ½ dl volgt vatn.
½ dl. matarolía.
Allt sett í skál, þurrefnin fyrst, þá vatnið og að lokum matarolían. Hnoðað vel og látið hefast í 10 mín. Deiginu skipt í tvo hluta og annar flattur út í einu, smyrjið pizzusósu á útflatt deigið og stráið rifnum osti yfir. Því næst er deiginu rúllað upp og skorið í fingurþykkar sneiðar. Sneiðarnar eru settar á plötu og penslaðar með pískuðu eggi. Bakað við 180° í umþb. 15 mín.
Afmælismúffur
|
Hráefni |
Aðferð |
|
1 egg
1 dl sykur
50 g olía
1 dl mjólk
1 tsk vanilludropar
3 dl hveiti
2 tsk lyftiduft
3 msk súkkulaðibitar |
- Stillið ofninn á 180°C jafnan hita.
- Setjið egg og sykur í hrærivélarskál og þeytið vel saman.
- Bætið olíu út í og hrærið vel saman við.
- Bætið mjólk og vanilludropum út í og hrærið vel.
- Setjið hveitið og lyftiduftið í skálina ásamt súkkulaðinu og hrærið saman við en ekki of lengi, þá verður deigið seigt.
- Skiptið deiginu í 12-14 múffumót og bakið í 12 mínútur.
|
Skrifað af Bylgja Þráinsdóttir
28.10.2011 14:40
Hakkað buff með góðri sósu - frestað um óákveðinn tíma
Hráefni:
200 gr. nautahakk eða blandað hakk
1 msk kartöflumjöl
¾ dl mjólk
½ season all
1 brauðsneið rifin smátt
½ tsk timian
¼ tsk hvítlauksduft
¼ tsk salt
1/8 tsk hvítur pipar
2 msk olía
2 msk hveiti
Aðferð:
1. Blandið saman í litla skál niðurrifnu brauði og mjólk.
2. Mælið í stóra skál hakk, kartöflumjöl og krydd.
3. Blandið brauðinu og mjólkinni saman við og hrærið í með sleifinni þar til allt er vel blandað.
4. Mótið 3-4 jafnstór buff með höndunum.
5. Blandið saman á disk salti, hveiti og pipar.
6. Veltið buffinu upp úr hveitiblöndunni.
7. Hitið olíu á pönnu og steikið buffin i u.þ.b. 3-4 min á hvorri hlið.
Sósa
Hráefni:
3 sólþurrkaðir tómatar í olíu
¼ tsk timian
1 lítill grænmetisteningur
1 ½ dl mjólk
1 dl hrein jógút
2 msk rjómaostur
svolítið salt
Aðferð:
1. Skerið tómatana smátt.
2. Blandið efni í sósuna í lítinn pott.
3. Hrærið í með þeytara allan tímann og passið að hafa vægan hita á meðan osturinn er að bráðna.
4. Hellið sósunni yfir buffin á pönnunni, látið sjóða svolitla stund á vægum hita.
5. Smakkið sósuna, saltið ef þarf.
Skrifað af Bylgja Þráinsdóttir
28.10.2011 14:33
Íþróttadagur Grunnskóla Fáskrúðsfjarðar var í dag. Margt var í boði í keppninni s.s. fótbolti, blak, handbolti, bandý, hnit, krossgátur, suduko, stafsetning, olsen olsen, púsl, borðtennis, fótboltaspil, spurningakeppni og svo í lokin tóku nemendur þátt í skólahreysti.
Miðstig og unglingastig kepptu sín á milli og voru 9. og 10. bekkur stigahæst og unnu þau bikarinn (Tweety) 7. og 8. bekkur í 2. sæti og miðstig í 3. sæti. Yngsta stig var með keppni á mili þriggja hópa og vann hópur er nefndi sig Kálfarnir. Mikið fjör og góð stemning myndaðist í dag.
Myndir í albúmi á Mis og Ys.
Keppni í blaki.
Skólahreysti.
Skrifað af Jóhönnu Hauksd.
27.10.2011 15:42
Það eru komnar uppskriftir af kræsingunum sem nemendur bökuðu á þemadögunum, þær eru hér ap ofan í skrár. Njótið vel.
Kveðja
Eldhúshópurinn..
Skrifað af Jóhönnu Hauksd.
10.10.2011 14:40
Smellið á linkinn til að byrja könnunina ef það virkar ekki getið þið afritað linkinn.
http://www.questionwritertracker.com/quiz/14866/KWDQ4PBZ.html Þegar könnunin er búinn þá verðið þið að halda áfram þangað til að kemur á skjáinn að gögnin hafi verið send.
Gangi ykkur vel.
